सैनामैना, १० मंसिर । नेपाल सरकारका अर्थमन्त्री विष्णुप्रसाद पौडेलज्यूले रुपन्देहीको सैनामैना नगरपालिकालाई आधुनिक र व्यवस्थित शहरको रुपमा विकास गरिने बताउनु भएको छ ।सैनामैनामा निर्माण सम्पन्न भएका नवनिर्मित दुई विद्यालय भवनको बुधवार विहान उद्धघाटन गर्दै पौडेलले यस क्षेत्रका ठूला तथा साना आयोजनालाई सम्पन्न गर्दै सैनामैनालाई आधुनिक र व्यवस्थित शहरको रुपमा विकास गरिने बताउनु भएको हाे ।सैनामैनामा निर्माण सम्पन्न भएका नवनिर्मित दुई विद्यालय भवनको बुधवार विहान उद्धघाटन गर्दै पौडेलले यस क्षेत्रका ठूला तथा साना आयोजनालाई सम्पन्न गर्दै सैनामैनालाई आधुनिक र व्यवस्थित शहरको रुपमा विकास गरिने बताउनु भएको हाे ।

सैनामैना वडा नं ३ मा रहेको लामिरह उच्च बाँध निर्माण आयोजना सैनामैनाको मात्र नभएर राष्ट्रिय गौरवको आयोजना भएको पौडेलको भनाइ छ । सैनामैना १ मा रहेको ऐतिहासिक स्थल रानिकुवाको नजिकै गौतम बुद्ध सँग सम्बन्धित पुरातात्विक वस्तुहरुको संग्रह गरि आधुनिक व्यवस्थित संग्रहालयको निर्माण प्रक्रिया समेत अगाडि बढेको उहाले बताउनु भयाे । सैनामैना चक्रपथले नगरलाई नयाँ उचाईमा उठाउन सहयोग गर्ने तथा बुटवल र सैनामैनामाको सिमा कर्शाघाटमा बन्न लागेको कृषि उपज केन्द्र कृषि उत्पादनलाई प्रोत्साहित गर्ने महत्वपूर्ण आयोजना भएको उहाँको भनाइ थियाे ।

त्यसैगरी सैनामैना वडा नं १ र बुटवल उपमहानगरपालिकाको वडा नं. १६ मा रहेको कर्साघाटको वारिपारी कृषि उत्पादनलाई प्रोत्साहन गर्न आधुनिक कृषि प्रशोधन केन्द्र स्थापना गर्ने तयारी भइरहेको बताउनुभयो । पौडेलका अनुसार आधुनिक प्रशोधन केन्द्र नगरको मात्र नभएर लुम्बिनी प्रदेशकै ठूलो र कृषि उत्पादनलाई प्रोत्साहित गर्ने एउटा महत्वपुर्ण आयोजना हो ।

•  

•