रुपन्देहीको सैनामैना नगरपालिका वडा नं ७ देउवापुरमा अग्र्यानिक स्रोत केन्द्र स्थापनाको तयारी भएको छ । 

सैनामैना नगरपालिका र यूएनडिपिको आर्थिक सहयोग र सेतो गुँरास बाल बिकास केन्द्रको समन्वयमा स्रोत केन्द्र स्थापना गर्न लागिएको हो । 
सैनामैना नगरपालिकाका प्रमुख चित्र बहादुर कार्कीले विपन्न परिवारलाई आयआर्जनका गर्नका लागि खर्च गरिएको रकमको सदुपयोग गर्न कृषकलाई आग्रह गर्दै यसबाट कृषि क्षेत्रमा स्वरोजगारी वढेको बताउनुभयो । गरीब बिपन्न तथा पछाडी गरेको समुदायको आर्य आर्जनमा बृद्धि गर्ने उद्धेश्यले यो कार्यक्रम ल्याईएको समेत प्रमुख कार्कीले बताउनु भयो । 

संयुक्त राष्ट्र संघीय विकास कार्यक्रमका बलराम पौडेलले कोभिडबाट प्रभावित भएको परिवारलाई लक्षित गरेर कार्यक्रम सञ्चालन भएको जानकारी दिदै आय आर्जनलाई जोडेर स्रोत केन्द्र बनाउन सकिन्छ भन्नुभयो । 

त्यसका लागि अग्र्यानिक तरकारी उत्पादनमा कृषकलाई अभ्यस्त गराउनुका साथै पूर्वाधार निर्माणमा जोड दिइएको सेतो गुँरास, रुपन्देहीकी प्रमुख सुमित्रा शर्माले जानकारी दिनुभयो । 

उहाँले अग्र्यानिक होटेल निर्मााणमा समेत जोड दिएको  र सो को लागि साना कृषकहरुलाई सिप सिकाइमा जोड दिइएको छ भन्नुभयो । 
सो स्थानमा नगरपालिकाले करिव ५ विगाहा क्षेत्रफलमा १५ विपन्न समुदायका परिवारले विभिन्न खेती गरेका छन । त्यसबाट वार्षिक रु. ३ लाख आम्दानी गरेको बताइएको छ । 

खास गरी खुर्सानी, सखरखण्ड, फूल खेती, लगातयका  नर्सरी र खेती भएको छ । 

सो कार्यका लागि १३ किसिमका विभिन्न सामग्री किसानलाई हस्तान्तरण भएको छ । कार्यक्रमको संचालन सेतो गुँरास बाल बिकास केन्द्र दिनेश क्षेत्रीको रहेको थियो ।